32 empresa a pasa CTB su programa di ouditoria di industria di hospitalidat ku éksito

WILLEMSTAD – 12 di sèptèmber 2019 - Resientemente Ofisina di Turismo di Kòrsou (CTB) den estrecho koperashon ku Curaçao Innovation & Technology Institute (CITI) i Curaçao Hospitality & Tourism Association (CHATA) a entregá sertifikado na 20 akomodashon, 2 restorant i 10 operador di buseo ku a pasa e programa di ouditoria di CTB ku éksito.Ophetivo di e programa, establesé na aña 2015 ta pa promové i mantené kalidat di tur empresa ku ta operá den nos industria turístiko.

Durante di un seremonia ameno a entregá sertifikashon na: Apartamentu Holanda, Appartementen BlouBlou Curaçao, Bahia Apartments & Diving, Bed & Breakfast Toni Kunchi, Bon Biní Seaside Resort, Cecil Paradise Apartments, Curaçao Exclusief, Curaçao Sun Apartments, Dolphin Suites, Flamingo Park N.V., Hacienda La Bougainville, Home Sweet Home Curaçao, Jan Kok Lodges, LXRY Home, Mondi Lodge, My Dream Apartments, Piscadera Seaview Apartments, PM78 Urban Oasis Curaçao, Sun Reef Village On Sea i The Beach House Curaçao. Tambe, a entregá sertifikado na 2 restorant, kualnan ta Dagaz Curaçao i Kome Restaurant. Meskos ku añanan anterior a re-ouditá diferente operador di buseo. E biaha aki ta trata di At Divers choice Curaçao, B Diving & Watersports, Bahia Diving, Blue Bay Dive & Watersports, Coral Divers B.V., Curious 2 Dive, Jan Thiel Diving, Ocean Encounters Curaçao, Scubaçao Diving Adventures i The Dive Bus.

Den e programa di e aña aki empresanan den industria di hospitalidat i turismo a risibí un ouditoria òf a keda re-ouditá. Kada pasa 2 aña empresanan ku ya den pasado a pasa e ouditoria ta keda re-ouditá basá riba normanan di kalidat rekonosé riba nos merkado lokal i internashonalmente. CTB ta felisitá tur akomodashon, restorant i operador di buseo ku a pasa e programa di ouditoria ku éksito. E sertifikashon risibí ta bálido pa 2 aña. Partisipashon na e programa di kalidat ta boluntario. Ta invitá tur empresa ku ainda no a registrá pa un ouditoria, pa hasi esaki via e-mail [email protected] òf dor di yama 738-6299.

 
By browsing curacao.com, you accept the use of profiling cookies either ours or third-party ones. More information about cookies and privacy policy.