Bin apoyá hóbennan di scouting i padvinderij durante konferensia di Turismo

June 24, 2016

WILLEMSTAD- 23 di yüni 2016Dia 25 di yüni próksimo ta tuma lugá na WTC un konferensia dirigí riba turismo ku ta hiba di tema: Mi ta ON ku Turismo. E konferensia ta forma parti di e kampaña Dushi Hende t’ Ami; Mi ta ON! kual resientemente a keda lansá. Ta trata aki di un kampaña di konsientisashon dirigí spesialmente riba hóbennan. E grupo di enfoke di e konferensia ta hóbennan di scouting i padvinderij entre 12 i 15 aña. Ofisina di Turismo di Kòrsou (CTB) ta ekstendé un invitashon pa bin apoyá e hóbennan i siña for di nan presentashonnan.

Durante 4 siman e hóbennan di scouting i padvinderij a partisipá na seshonnan di informashon pa asina ta bon ekipá pa e konferensia. Den grupo e hóbennan lo presentá diferente tópiko ku tin relashon ku desaroyo di turismo. Ta trata aki di e siguiente tópikonan: 1) Kiko ta turismo?, 2) Turismo i Ekonomia, 3) Trabou den turismo, 4) Den sapatu di e turista i 5) Seguridat den sektor di turismo.

Nos ta invitá hóbennan di Kòrsou, personanan ku den nan trabou diario tin relashon direkto ku e industria di turismo i otro interesadonan pa bin presensiá e presentashonnan interesante ku e hóbennan lo bai trese dilanti. E konferensia ta tuma lugá djasabra awor dia 25 di yüni di 9or di mainta pa 1or di mèrdia na WTC. Pa inskribí, manda bo nòmber via mail pa CTB na e email adrès CTB-invitation@curacao.comE kampaña di konsientisashon aki ta finansiá pa Reda Sosial, ku fondo di Gobièrnu di Kòrsou. CTB tambe ta kontribuí finansieramente den e proyekto aki i huntu ku Fundashon Nos Kousa ta enkargá ku ehekushon di e proyekto.

Most recent