CTB lo apoyá un lei pa prohibí uso di saku di plèstik riba nos isla

September 11, 2017

WILLEMSTAD- 11 di sèptèmber 2017 – Sèptèmber ta luna nashonal di limpiesa i momentu ideal pa Ofisina di Turismo di Kòrsou (CTB) tambe pone atenshon na e fenómeno desagradabel di shushedat riba nos isla. Un Kòrsou shushi no ta parti di e produkto turístiko ku CTB ta bende den eksterior, un Kòrsou limpi i bunita si!

Riba un base regular CTB ta hasi sondeo bou di nos bishitantenan pa haña feedback i asina mehora nos produkto turístiko. Ademas di e remarkenan positivo manera trato di nos Dushi Hendenan, e parti shushedat di nos medio ambiente i nos playanan tambe ta bin dilanti komo un punto di atenshon. P’esei mes CTB lo apoyá un lei pa prohibí uso di saku di plèstik riba nos isla. Resiklahe ta un paso importante pa mantené nos isla mas limpi i yuda konserva nos medio ambiente pa nos mes i nos bishitantenan. Si kada miembro di nos komunidat hasi su parti di resiklá i mantené nos isla limpi, nos lo mira e kambio positivo. CTB ademas di ta aportá na diferente manera pa mantené nos áreanan turístiko limpi ta sostené tur inisiativa di limpiesa i konsientisashon pa mantené nos medio ambiente limpi.

Most recent