Eksitoso tayer tokante produktonan di Google pa empresarionan lokal

WILLEMSTAD- 6 di sèptèmber 2019 – Ofisina di Turismo di Kòrsou (CTB) i Curaçao Hospitality & Tourism Association (CHATA) resientemente a kolaborá ku e nativo di Kòrsou Shaina Wiel, Fundadó i CEO di Minorities in Sports Business den un proyekto masha interesante. ‘Boost Your Business Workshop’ a tuma lugá na Sunscape Curaçao Resort, Spa, & Casino pa ekipá empresanan ku e hèrmèntnan nesesario pa logra kresementu a traves di Google su rekursonan i servisionan. E seshonnan a keda guiá pa empresarionaneksitoso ku a kompartí nan ekspertisio, historianan di éksito i tepnan balioso den e tayer dirigí riba e nesesidatnan di e komunidat di Kòrsou.

Durante di e workshop por a konta ku partisipashon di sra. Francilia Wilkins Rahim, Fundadó i CEO di RF Wilkins Consultants ademas e ta Entrenadó Digital di Google na siudat di New York. Empresarionan lokal a gara e oportunidat pa haña un poko mas konosementu di produktonan di Google, ku dos man. Di akuerdo ku sra. Francilia Wilkins Rahim; “Nos ta spera ku e workshop aki por ekipá empresarionan lokal ku hèrmèntnan nesesario pa krese nan negoshi riba nivel mundial.”

 
By browsing curacao.com, you accept the use of profiling cookies either ours or third-party ones. More information about cookies and privacy policy.