WILLEMSTAD- promé di aprel 2015– Resientemente Ofisina di Turismo di Kòrsou (CTB) kompañá pa partnernan den sektor di turismo a partisipá na dos workshop na Venezuela. Unu a tuma lugá na Renaissance Hotel na Caracas i e otro na Hotel Embassy Suites na Valencia. E dos eventonan aki huntu a konta ku partisipashon di mas di 300 persona. E eventonan tabatin komo lema ‘Kòrsou 2015 un aña di oportunidatnan empresarial’ a pone énfasis riba e potensialnan turístiko i ekonómiko di nos isla meskos tambe e oportunidatnan di invershon i di propiedatnan imobilario. Despues di e temporada di Siman Santu lo sigui ku workshop na Maracaibo, Barquisimeto i Puerto Ordaz.
Kòrsou a destaká no únikamente serka potensial bishitantenan pa nos isla pero tambe serka esnan ku ta buska oportunidatnan nobo pa invershon. Durante di e workshop Kòrsou a sá di demostrá su balor agregá komo un isla ku ta fèrtil pa invershon. CTB a keda kompaña pa vários partner den sektor turístiko manera: Curaçao Marriott Beach Resort & Emerald Casino, Hilton Curaçao, Renaissance Curaçao Resort & Casino, Santa Barbara Beach & Golf Resort, San Marco Hotel, Sunscape Curaçao Resort, Spa & Casino, ACOYA Hotel Suites & Villas, Green View, Piscadera Harbour Village i Blue Bay Curaçao. Tur a probechá e okashon pa ofresé informashon balioso tokante nan servisio i produktonan. Ademas di esaki, a konta tambe ku partisipashon di empresarionan lokal i vários kompania aéreo manera Insel Air, Estelar, Rutaca i Avior Airlines. Na e okashon aki Avior Airlines a anunsiá su vuelonan nobo for di Maracaibo i Valencia entrante promé di mei.
E presentashon di Kòrsou a wòrdu bon risibí serka operadornan di tour i agentenan di biahe manera: Turaser, Kanguro, Corporación Salta, Escala, Conkep, Turismo Maso, Molina Viajes, PLM Travel, Viajes Carcelen i Quovadis. Total tabatin 28 media di komunikashon presente, di kual 6 tabata kanalnan di televishon nashonal. Durante di e eventonan a rifa premionan pa kortesia di e hotèlnan i e kompanianan aéreo presente.
CTB i su partnernan ta kontentu di por a partisipá na e eventonan aki ku a brinda e oportunidat pa ekshibí Kòrsou komo e destinashon faborito den Karibe.
