Kòrsou lo ta anfitrion di e ‘Caribbean Meeting and Incentive Travel Exchange’ na 2019

September 20, 2018

WILLEMSTAD – 20 di sèptèmber 2018 – Questex Travel Group a anunsiá resientemente ku Kòrsou lo ta e destinashon anfitrion pa e di dies edishon di e Caribbean Meeting and Incentive Travel Exchange (CMITE). Na e evento aki organisadónan di gruponan di insentivo di Estádos Unídos i Canada lo tei pa tene reunion ku esnan ku ta ofresé produktonan turístiko. E evento lo tuma lugá di 6 pa 9 di ougùstùs 2019 na Santa Barbara Beach & Golf Resort.

Questex Hospitality + Travel Group di Questex LLC ta sirbi industria mundial di biahe i otro industrianan relashoná ku turismo, di kual huntu ta pèrkurá pa mas di 6 trion di dòler na e produkto bruto doméstiko mundial. Questex Travel Group su eventonan MICE ta sumamente eksitoso. Nan ta e úniko organisadó ku ta ofresé reunionnan privá ku oportunidat di entrenamentu i networking pa profeshonalnan riba e tereno di MICE.

Durante di Jill Birkett, direktor di evento pa Questex Travel Group su bishita aki na Kòrsou el a indiká di ta enkantá ku e asosiashon entre ECO Destination Management Services Curaçao, Santa Barbara Beach & Golf Resort i Ofisina di Turismo di Kòrsou (CTB). “Tur aña di nobo nos ta ofresé partisipantenan di CMITE un eksperensia eksepshonal i outéntiko den Karibe. Pa selebrá nos désimo aniversario e eskoho a kai riba e destinashon úniko, Kòrsou.”

“Un parti importante di nos strategia di MICE riba término largu ta pa trese e evento aki Kòrsou” asina Wichita Villacres, presidente i CEO di ECO Destination Management Services Curaçao a indiká. “Nos ta trahando ku Questex for di aña 2005 i a partisipá na tur nan eventonan mirando e kalidat eksepshonal di e kumpradónan ku nan ta atraé. Pa trese e evento Karibense aki pa nos pais Kòrsou ta un bon oportunidat pa mustra tur loke nos tin di ofresé na esnan presente.”

CTB ta masha orguyoso di por yama bon bini i pa ta anfitrion di e Caribbean Meeting and Incentive Travel Exchange na 2019.

Most recent