Kòrsou su produkto turístiko presentá durante feria na Alemania

WILLEMSTAD – 12 di aprel 2019 – Resientemente un tim di Kòrsou konsistiendo di representantenan di Ofisina di Turismo di Kòrsou (CTB), Curaçao Airport Partners (CAP) i Curaçao Hospitality and Tourism Association (CHATA) kompañá pa partnernan den sektor privá a bishitá Messe Berlin na Alemania pa partisipá na e feria empresarial ‘Internationale Tourismus Börse’ (ITB) 2019. Meta prinsipal di Kòrsou su partisipashon tabata pa estrechá lasonan empresarial i hasi mas promoshon pa nos pais. ITB ta un di e ferianan empresarial mas importante den industria turístiko. Resientemente a tuma lugá e di 53 edishon. E aña aki e feria a atraé mas di 113.000 bishitante- un oumento di 3% kompará ku aña pasá.

ITB ta un feria di 5 dia i ta habrí pa prensa, sektor empresarial i públiko. E tres promé dianan ta dediká eksklusivamente na prensa i sektor empresarial. E delaster dos dianan e feria ta habrí pa públiko. E stènt di Kòrsou un biaha mas a pèrkurá pa hala atenshon di un gran kantidat di bishitante ku a bini pa risibí informashon di Kòrsou su produkto turístiko i variedat di akomodashon. Riba e promé dia, CTB a organisá su popular evento sosial, ‘Networking & Trade Cocktail’ unda prensa, partnernan empresarial i e partnernan di sektor privá for di Kòrsou a topa ku otro pa sera konosí i estrechá lasonan komersial.

Un danki ta bai na e partnernan di sektor privá ku a forma parti di e tim di Kòrsou; Acoya Curaçao Resort ,Villas & Spa, Avila Beach Hotel, Dolphin Suites Curaçao, Hilton Hotel, Lions Dive Beach Resort, Kura Hulanda Resorts, Livingstone Jan Thiel Resort, Morena Eco Resort Curaçao, OasisCoral Estate Beach, Dive & Wellness Resort, Papagayo Beach Resort, Pietermaai Boutique Hotel, Renaissance Curaçao Resort & Casino i Santa Barbara Beach & Golf Resort.

 
By browsing curacao.com, you accept the use of profiling cookies either ours or third-party ones. More information about cookies and privacy policy.