Kòrsou su produkto turístiko presentá na agentenan di biahe independiente na Hulanda

June 22, 2017

WILLEMSTAD – 22 di yüni 2017 – Resientemente agentenan di biahe independiente, representante di destinashonnan turístiko i tambe akomodashonnan a topa otro durante di un workshop organisá pa The Travel Club / Your Travel. Un total di 250 agente di biahe independiente i 50 partner a partisipá na e workshop ku a keda organisá na Golden Tulip Hotel ‘De Heerlickheijd’ na Ermelo, Hulanda.

E enkuentro a tuma lugá den forma di un seshon di ‘speed-dating’,kaminda kada destinashon tabatin un mesa di informashon i durante 18 buèlta di kada biaha 20 minüt nan mester a duna mas tantu informashon posibel na e agente di biahe sintá nan dilanti. Durante di e seshon aki, Ofisina di Turismo di Kòrsou (CTB) a keda kompañá pa Renaissance Curaçao Resort & Casino. E agentenan di biahe a risibí informashon amplio di Kòrsou, e diferente atrakshonnan turístiko, akomodashonnan i detayenan nobo ku nan por usa na momentu di bende Kòrsou komo un destinashon preferí den Karibe. CTB ta mira bèk riba un eksitoso partisipashon na The Travel Club / Your Travel Workshop.

Most recent