Kòrsou ta dushi. Bib’é. Stim’é a entregá premio

...Kampaña dòrna bo stènt di Karnaval 2019 tabata eksitoso...
WILLEMSTAD- 22 di mart 2019 – Ofisina di Turismo di Kòrsou (CTB) ta wak bèk ku satisfakshon na e temporada di Karnaval 2019. Komunidat a sa di reakshoná positivamente i a dekorá nan stènt ku e tema Kòrsou ta dushi. Bib’é. Stim’é!

Despues di e proseso di votashon resientemente a saka i premia e felis ganadornan. Promé premio a bai pa famia Jamanika kual a skor mas haltu riba e aspekto di kreatividat, ambiente i kantidat di likes risibí. Segundo premio a bai pa famia Garcia i e terser premio pa famia Servania. Meta tras di e yamada pa ‘Dekorá bo stènt di Karnaval ku e tema Kòrsou ta dushi’ tabata pa trese mas konsientisashon rondó di e kampaña Kòrsou ta dushi. Bib’é. Stim’é por medio di kreatividat i ambiente demostrá durante Karnaval. CTB ta felisitá tur e ganadornan i ta gradisí tur ku a partisipá na e kampaña.

 
By browsing curacao.com, you accept the use of profiling cookies either ours or third-party ones. More information about cookies and privacy policy.