Prensa internashonal tei pa kubri Curaçao North Sea Jazz Festival 2019

WILLEMSTAD- 28 di ougùstùs 2019 – Kòrsou kompletu i bishitantenan internashonal ta kla pa eksperensiá e di nuebe edishon di Curaçao North Sea Jazz Festival (CNSJF),e evento musikal di mas grandi den region di Karibe. Meskos ku añanan anterior Ofisina di Turismo di Kòrsou (CTB) a sòru pa promové e festival den su merkadonan prinsipal i tambe trese medionan di komunikashon for di eksterior pa bin Kòrsou i kubri e gran evento aki.

E aña aki CTB a invitá un total di 43 periodista for di eksterior pa brinda kobertura na CNSJF 2019. E periodistanan prosedente diAlemania, Aruba, Canada, Colombia, Estádos Unídos, Hulanda, Sint. Maarten, Sürnam i Trinidad and Tobago ya ta na Kòrsou. E medionan di komunikashon ta entre otro Caracol Radio, GQ Germany, NPO Radio 2, One Caribbean Television, Surinaamse Televisie Stichting, Toronto Sun, Trinidad Express Newspapers i Vibe.com. Ademas di kubri e festival, e miembronan di prensa lo partisipá tambe na un programa spesial ku CTB a hinka den otro pa asina nan haña oportunidat pa konosé un tiki mas di loke nos isla tin pa ofresé. Un danki ta bai na tur partner den sektor di turismo pa nan kolaborashon, partikularmente Land Huis Jan Thiel & Livingtsone Jan Thiel Resort. For di awe CTB ta felisitá Fundashon Bon Intenshon ku e di nuebe edishon di CNSJF.

 
By browsing curacao.com, you accept the use of profiling cookies either ours or third-party ones. More information about cookies and privacy policy.