Proyekto Desaroyo Kosta Marie Pampoen ta bai start

February 9, 2015

WILLEMSTAD- 9 di febrüari 2015– Despues ku na desèmber 2014 a anunsiá ofisialmente e proyekto Desaroyo Kosta Marie Pampoen mediante desvelo di un bòrchi ku deskripshon di e proyekto, awor a tuma lugá otro paso importante mas kual ta firmamentu di e kontrato di maneho di ehekushon di e proyekto. Firmamentu di e kontrato a tuma lugá den presensia di Minister Palm, enkargá ku Desaroyo Ekonómiko.

E proyekto Desaroyo Kosta Marie Pampoen ta enserá ku ta bai desaroyá henter e aria di e playa di Marie Pampoen for di e pier te ku e kancha deportivo, esaki sigur lo hasi e playa mas atraktivo pa nos hendenan lokal pero tambe nos bishitantenan. E kompania ku despues di un proseso di selekshon a keda enkargá ku maneho di ehekushon di e proyekto ta Heren2 Caribbean B.V. E kompania Heren2 Caribbean B.V. lo bai fórmula un masterplan pa e aria i lo mester kordiná ehekushon di e plan aki. Ku firmamentu di e kontrato por bisa ku a dal otro stap importante pa riba korto plaso e trabounan den kuadro di desaroyo di e kosta na Marie Pampoen por start.

Most recent