Selebrashon buelo inougural di Wingo for di Bogotá, Colombia pa Kòrsou

...288 stul adishonal pa siman for di Bogotá, Colombia...
WILLEMSTAD- 11 di aprel 2019 – E buelo inougural for di Bogotá, Colombiapa Kòrsou a keda selebrá den un ambiente ameno na Aeropuerto Internashonal Hato. Durante e resepshon a hiba palabra, Minister di Maneho di Gobernashon, Planifikashon i Servisio Públiko sr. Konket den representashon di Minister di Desaroyo Ekonómiko, Gerente di Komunikashon na Wingo, sr. Juan Sebastián Molano, Director Marketing, Air Service and Tourism sra. Peggy Croes i Marketing & Product Manager di Curaçao Hospitality & Tourism Association sra. Vianny Henriquez.

Kòrsou a demostrá di ta un di e destinashonnan faborito na Colombia registrando na 2018 un kantidat di 23 mil bishitante prosedente di Colombia ekivalente na un kresementu di 38% kompará ku e aña anterior. Ku e dos buelonan semanal di Wingo, Kòrsou entrante awor tin un total di 13 buelo pa siman for di Bogotá. Motibu sigur pa nos ta agradesidu na Wingo ku nan a agregá Kòrsou na nan ret di destinashonnan.

E buelonan ta riba djaweps i djadumingu. E buelonan aki ta brinda e oportunidat pa mas kolombiano bin disfrutá i konosé nos kultura, historia, arkitektura, playanan i atrakshonnan turístiko. E buelonan ta keda efektuá ku un boeing 737-700 ku un kapasidat di 142 stul. E skema di buelo lo ta di e siguiente manera:

  • BOG-CUR | Djaweps | Salida 15:33 | Yegada 18:48
  • CUR-BOG | Djaweps | Salida 19:48 | Yegada 21:03
  • CUR-BOG | Djadumingu | Salida 15:33 | Yegada 18:48
  • BOG-CUR | Djadumingu | Salida 19:48 | Yegada 21:03

Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP) i Curaçao Hospitality and Tourism Association (CHATA) ta felisitá Wingo ku e buelo nobo i ta deseá nan tur kos bon.

 
By browsing curacao.com, you accept the use of profiling cookies either ours or third-party ones. More information about cookies and privacy policy.