Taksistanan ta risibí kurso di Servisio na Kliente

WILLEMSTAD- 19 di ougùstùs 2019 – Den su afan pa sigui halsa e nivel di servisio i nos produkto turístiko, Ofisina di Turismo di Kòrsou (CTB) ta ofresé taksistanan un entrenamentu dediká na ‘servisio na kliente’. E ‘Customer Service Training’, ku a wòrdu diseñá dor di Teamwork Curaçao tin komo ophetivo pa oumentá e nivel di servisio i eksperensia di e bishitante. Un grupo di 30 taksista lo partisipá na e entrenamentu aki. Durante e kurso lo trata tópikonan manera ‘At your Service!’ (Na bo servisio / Na bo òrdu), ‘Effective Communication’ (Komunikashon Efektivo), ‘Handling with difficult situations’ (Kon pa atendé ku kliente den situashonnan difísil), ‘The Extra Mile’ (E mia èkstra), i finalmente lo hasi un revishon di tur tópiko ku a keda tratá. CTB ta deseá tur partisipante hopi éksito!

 
By browsing curacao.com, you accept the use of profiling cookies either ours or third-party ones. More information about cookies and privacy policy.